recent
أخبار ساخنة

ياسمين عبد العزيز.. منى زكى تدعو لـ ياسمين عبد العزيز بعد خضوعها لعملية جراحية

الصفحة الرئيسية

 ياسمين عبد العزيز.. منى زكى تدعو لـ ياسمين عبد العزيز بعد خضوعها لعملية جراحية

ياسمين عبد العزيز.. منى زكى تدعو لـ ياسمين عبد العزيز بعد خضوعها لعملية جراحية


كانت حريصة النجمة منى زكى على الدعاء لصديقتها المقربة الفنانة ياسمين عبد العزيز، وذلك بعد خضوعها لعملية جراحية خلال الساعات الماضية، كما نشرت الفنانة منى زكي صورة لياسمين عبد العزيز عبر خاصية "الاستورى" على حسابها بموقع تبادل الصور والفيديوهات الشهير "إنستجرام"، وعلقت قائلة: "يا رب بحق الأيام الكريمة دى تقومى بالسلامة يا ياسمين وترجعى لولادك وبيتك.. ادعولها تقوم بالسلامة يا رب".

الفنان أحمد العوضي وجه ، رسالة مؤثرة لرفيقة حياته الفنانة ياسمين عبد العزيز، بعد خضوعها لعملية جراحية خلال الساعات الماضية، وكتب عبر حسابه بموقع فيس بوك: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جدًا من غيرك انتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه".

ثم تابع العوضى: "انا عاوزك تبقي كويسة وتقومي بالسلامة عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف  مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني بالسلامة عشان زي ما انتي بتاخدي قوتك مني انا كمان باخد قوتي منك.. قومي عشان أنا بحبك..  بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتي من الموقف اللي إحنا فيه دلوقتي.. أنا بحبك "، واختتم كلامه: "ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".

وسرعان ما تفاعل جمهور ومحبى الفنانة ياسمين عبد العزيز على البوست الذى نشره العوضي عبر حسابه الشخصى، على عدد كبير من التعليقات التى تتمني الشفاء للنجمة ياسمين عبد العزيز فى أزمتها الصحية.

المصدر: اليوم السابع
google-playkhamsatmostaqltradent